ອາຊີວະສຶກສາ ແບບຄວບຄູ່ (ອສຄ) ແມ່ນຮູບແບບທີ່ມີຄວາມສ້າງສັນ ຂອງການຝຶກອົບຮົມວິຊາຊີບ ທີ່ມີການປະສົມປະສານ ລະຫວ່າງ ການຮຽນທີ່ອີງໃສ່ໂຮງຮຽນເປັນຫຼັກ ຢູ່ໃນສະຖານອາຊີວະສຶກສາ ກັບ ປະສົບການເຮັດວຽກຕົວຈິງ ຢູ່ສະຖານປະກອບການ. ນັກຮຽນ ໄດ້ຮັບທັກສະດ້ານວິຊາການ, ຄວາມຮູ້ ແລະ ທັດສະນະຄະຕິດ້ານການເຮັດວຽກ ທີ່ສອດຄ່ອງກັບຄວາມຕ້ອງການຂອງພາກທຸລະກິດໃນປະຈຸບັນ. ບັນດາສະຖານປະກອບການ ໄດ້ຮັບປະໂຫຍດຈາກ ກໍາລັງແຮງງານທີ່ໄດ້ຮັບການຝຶກອົບຮົມທີ່ດີ, ມີຄວາມສາມາດດ້ານການຜະລິດ ແລະ ຊື່ສັດ, ໃນຂະນະດຽວກັນ ກໍ່ສາມາດຫຼຸດຜ່ອນຄ່າໃຊ້ຈ່າຍດ້ານການຈັດຫາພະນັກງານ ແລະ ການແນະນໍາ.