ການສະໜອງປ່ອງບໍລິການ ປະຕູດຽວ
ສູນບໍລິການ DCT ຈະສະໜອງການບໍລິການໃຫ້ທ່ານ ດ້ານຂໍ້ມູນຂ່າວສານ ແລະ ເຄື່ອງມືທີ່ຈຳເປັນ ເພື່ອສ້າງຄວາມເຂົ້າໃຈ ແລະ ການເຂົ້າມາມີສ່ວນຮ່ວມໃນການຈັດຕັ້ງປະຕິບັດ DCT ຂອງສະຖານປະກອບການ. ໂດຍຈະແມ່ນພະນັກງານຜູ້ທີ່ຮັບຜິດຊອບປ່ອງບໍລິການແບບປະຕູດຽວ (DCT Help Desks) ຢູ່ທີ່ນະຄອນຫຼວງວຽງຈັນ, ແຂວງຈຳປາສັກ, ແຂວງຫຼວງພະບາງ ແລະ ແຂວງວຽງຈັນ.
ເຫຼົ່ານີ້ແມ່ນພາບລວມການບໍລິການຂອງພວກເຮົາ:
- ຂໍ້ມູນຂ່າວສານ ກ່ຽວກັບຂັ້ນຕອນ, ວິທີການ ເຂົ້າມາມີສ່ວນຮ່ວມໃນການຈັດຕັ້ງປະຕິບັດວຽກງານ DCT
- ສະໜັບສະໜູນ ກ່ຽວກັບການປະເມີນ/ການສອບເສັງພາກປະຕິບັດ, ໃຫ້ຄຳແນະນຳ ແລະ ການກະກຽມ ໃນການຈັດຕັ້ງປະຕິບັດວຽກງານ DCT.
- ກຳນົດຫຼັກສູດ ການຮຽນ-ການສອນໃນຮູບແບບ DCT ທີ່ມີຄວາມຕ້ອງການ ແລະ ເໝາະສົມກັບສະຖານປະກອບການ ຮ່ວມກັບ ສະຖານອາຊີວະສຶກສາໃນພື້ນທີ່
- ໃຫ້ຄຳແນະນຳ ກ່ຽວກັບການປະຕິບັດຕາມຂະບວນການ ລວມທັງຕາມຂໍ້ກຳນົດສຳລັບການເຂົ້າມາມີສ່ວນຮ່ວມ ແລະ ຂໍ້ຕົກລົງທີ່ເປັນທາງການຂອງ DCT
- ອຳນວຍຄວາມສະດວກໃນການປະສານງານແລະ ການສ້າງເຄືອຂ່າຍ ລະຫວ່າງ ສະຖານປະກອບການທີ່ໄດ້ຈັດຕັ້ງປະຕິບັດ DCT ແລະ ສະຖານອາຊີວະສຶກສາ
- ອຳນວຍຄວາມສະດວກໃນການຖອດຖອນບົດຮຽນ ແລະ ແລກປ່ຽນຂໍ້ມູນຂ່າວສານ ລະຫວ່າງ ພາກລັດ ແລະ ພາກທຸລະກິດທີ່ກ່ຽວຂ້ອງໃນຂັ້ນແຂວງ ເຊັ່ນ: ສະພາການຄ້າ ແລະ ອຸດສາຫະກຳ ແຂວງ (PCCI), ພະແນກສຶກສາທິການ ແລະ ກິລາແຂວງ (PESS), ສະພາທີ່ປຶກສາອາຊີວະສຶກສາຂັ້ນແຂວງ (PTC), ບັນດາສະມາຄົມ ແລະ ກຸ່ມອາຊີບອື່ນໆ,(TWG) ຜູ້ປະສານງານ.
Contact Persons
Mr. Khonesavanh Vannavong
Mr. Khamsone Chanthasili
ບົດປະກອບຄຳເຫັນ
“ຂ້າພະເຈົ້າເຊື່ອແນ່ວ່າ DCT ແມ່ນຄວາມພະຍາຍາມທີ່ມີຄຸນຄ່າ ແລະ ມັນກໍ່ເປັນການເປີດໂອກາດໃຫ້ນັກຮຽນໄດ້ຊອກຫາເສັ້ນທາງອາຊີບ ແລະ ມີປະສົບການໃນການເຮັດວຽກ. ໂຮງແຮມຫຼວງພະບາງວິວ ໄດ້ຮັບນັກຮຽນເປັນຈຳ ນວນຫລາຍໃນໄລຍະຫລາຍປີທີ່ຜ່ານມາ, ເນື່ອງຈາກພວກເຮົາໄດ້ມີສ່ວນຮ່ວມໃນການພັດທະນາຫລັກສູດ DCT ຕັ້ງແຕ່ເລີ່ມຕົ້ນ. ພວກເຮົາຈະສືບຕໍ່ປະຕິບັດຮູບແບບນີ້ສຳລັບຜູ້ທີ່ມາເຂົ້າມາຝຶກປະຕິບັດຢູ່ໃນໂຮງແຮມຂອງພວກເຮົາທັງຜູ້ທີ່ກຳລັງຝຶກປະຕບັດຢູ່ ແລະ ຜູ້ທີ່ກຳລັງຈະເຂົ້າມາຝຶກໃໝ່ ເພາະບັນດານັກຮຽນໃນປະຈຸບັນຈະກ້າວອອກໄປເປັນພະນັກງານໃນອຸດສະຫະກຳການໂຮງແຮມອະນາຄົດ ພວກເຮົາຈະສືບຕໍ່ໃຫ້ການສະໜັບສະໜູນຕໍ່ໄປ ເພາະອະນາຄົດຂອງປະເທດລາວ ແມ່ນຢູ່ໃນກຳມືຂອງພວກເຂົາ!”
