ກ່ຽວກັບສູນບໍລິການ ອສຄ

ສູນບໍລິການ ອາຊີວະສຶກສາແບບຄວບຄູ່ (ອສຄ) ສ້າງຂຶ້ນໃນປີ 2020, ຕັ້ງຢູ່ ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ). ອີງໃສ່ພື້ນຖານຮູບແບບການຝຶກອົບຮົມແບບຄວບຄູ່ ທີ່ປະສົບຜົນສຳເລັດຢູ່ປະເທດ ເຢຍລະມັນ, ອສຄ ແມ່ນວິທີການຈັດຕັ້ງການຝຶກອົບຮົມທີ່ເປັນນະວັດຕະກຳ, ປະສົມປະສານຮູບແບບການຮຽນ-ການສອນ ຢູ່ສະຖາບັນອາຊີວະກັບການເຮັດວຽກຕົວຈິງ ຢູ່ສະຖານປະກອບການ.

ສູນໃຫ້ບໍລິການທີ່ສອດຄ່ອງສະເພາະ ເພື່ອສະໜັບສະໜູນພາກທຸລະກິດ ໃນການວາງແຜນ, ຈັດຕັ້ງ ແລະ ປະຕິບັດ ອາຊີວະສຶກສາແບບຄວບຄູ່. ຜ່ານການເຊື່ອມໂຍງນີ້, ສະຖານປະກອບການຕ່າງໆ ຈະເປີດໂອກາດ ໃຫ້ນັກສຶກສາ ໄດ້ຮຽນຮູ້ທັກສະວິຊາການ, ຄວາມຮູ້ ແລະ ທັດສະນະຄະຕິການເຮັດວຽກຕົວຈິງ ທີ່ຖືກຕ້ອງ, ເຮັດໃຫ້ສະຖານປະກອບການ ມີກໍາລັງແຮງງານ ທີ່ໄດ້ຜ່ານການຝຶກອົບຮົມ, ມີຄວາມສາມາດດ້ານການຜະລິດ ແລະ ມີຄວາມຊື່ສັດ ທີ່ດີກວ່າ ແລະ ກໍ່ຍັງປະຢັດຄ່າໃຊ້ຈ່າຍ ໃນການຮັບສະໝັກ ແລະ ຈັດປະຖົມນິເທດໃຫ້ພະນັກງານໃໝ່.