ນັກຮຽນຈະຮຽນ ຄວາມຮູ້ດ້ານ ທິດສະດີ ແລະ ພາກປະຕິບັດກ່ຽວກັບລົດຍົນ, ເຊິ່ງກວມເອົາ ມາດຕະຖານດ້ານການບໍາລຸງຮັກສາ, ການປະພຶດແບບມືອາຊີບ ແລະ ພາກປະຕິບັດຕົວຈິງດ້ານອຸດສາຫະກໍາທີ່ດີທີ່ສຸດ. ຫຼັກສູດການຮຽນດັ່ງກ່າວນີ້ ແມ່ນເນັ້ນໃສ່ການການຝຶກປະຕິບັດຢູ່ສະຖານປະກອບການ.
ນັກຮຽນຈະໄດ້ຮັບການຝຶກສອນກ່ຽວກັບການບໍລິການສ້ອມແປງລົດຍົນລະດັບພື້ນຖານ ແລະ ລະດັບກາງ ຢູ່ສະຖານປະກອບການດ້ານລົດຍົນ. ພວກເຂົາຈະໄດ້ຮຽນຮູ້ກ່ຽວກັບການສ້ອມແປງລົດຍົນ, ນໍາໃຊ້ອຸປະກອນກວດກາລົດຍົນ ແລະ ບໍລິການສ້ອມແປງລົດຍົນ ດ້ວຍເຄື່ອງຈັກລະບົບເຜົາໄໝ້ ແລະ ລະບົບໄຟຟ້າ. ການຝຶກປະຕິບັດປະກອບດ້ວຍ ການບໍາລຸງຮັກສາ, ບໍລິການດັດແປງ ແລະ ແຕ່ງລົດ ແລະ ການກວດກາອຸປະກອນ ແລະ ລະບົບ.
ຜູ້ຮຽນຈົບຫຼັກສູດນີ້ ສ່ວນຫຼາຍແມ່ນຈະເຂົ້າເຮັດວຽກຢູ່ຮ້ານສ້ອມແປງ ລົດຍົນ/ລົດຈັກ ຫຼື ດໍາເນີນທຸລະກິດຂະໜາດນ້ອຍຂອງຕົນເອງ.
ຕໍາແໜ່ງວຽກອາດຈະປະກອບມີດັ່ງນີ້:
ໃຫ້ບໍລິການດ້ານລົດຍົນ
ວິເຄາະບັນຫາຂອງລົດຍົນ
ສ້ອມແປງລົດຍົນ
ໃຫ້ບໍລິການລົດໄຟຟ້າ
ໃຫ້ບໍລິການດັດແປງ ແລະ ແຕ່ງລົດ
ຫຼັກສູດສ້ອມແປງລົດຍົນ ແມ່ນສອນຢູ່ທີ່ ວິທະຍາໄລເຕັກນິກ ທີ່ຢູ່ໃນແຜນທີ່ດ້ານລຸ່ມນີ້. ຄຼິກໃສ່ສະຖານທີ່ ເພື່ອເບິ່ງຂໍ້ມູນຕິດຕໍ່ລະອຽດ.
*ໃນພາກນີ້, ພວກເຮົາສະໜອງຂໍ້ມູນ ຫຼ້າສຸດ ແລະ ຖືກຕ້ອງທີ່ສຸດ. ແຕ່ເຖິງຢ່າງໃດກໍ່ຕາມ, ສາຂາ ທີ່ຈັດການຮຽນ-ການສອນ ແບບຄວບຄູ່ (ອສຄ) ທີ່ສະໜອງຢູ່ສະຖານອາຊີວະສຶກສາຕ່າງໆ ອາດມີການປ່ຽນແປງ ຢູ່ເລື້ອຍໆ ເນື່ອງຈາກຫຼາຍປັດໃຈ. ເພື່ອຢາກໄດ້ຂໍ້ມູນວ່າ ສາຂາຮຽນ ທີ່ຈັດການຮຽນ-ການສອນ ແບບ ອສຄ ທີ່ເປີດສອນ ຢູ່ ສະຖານອາຊີວະສຶກສາ ໃນຕອນນີ້ ແມ່ນມີສາຂາໃດແດ່, ສາມາດຕິດຕໍ່ພົວພັນ ຫາສະຖານອາຊີວະສຶກສາໃນທ້ອງຖິ່ນ ໂດຍກົງໄດ້ ຕາມເບີໂທຕິດຕໍ່ ແລະ ທີ່ຢູ່ໃນນີ້
